هاى كتاكيت
كان لازم نبدا الحكاية
كان ياما كان يا سعد يا اكرام
كان ومازال وربنا يبارك فيه كان فى أمير اسمه الامير محمود اللى هو ميدو يعنى
أمير غير كل الامامير اللى عرفتهم فى حياتى
امير امور اوى وطيب اوى وعسل اوى وشقى اوى ودمه خفيف اوى ومجنينى اوى
اما بالنسبه للامير ابراهيم فهو امير صغيور شويه بس حقيقى جه فى وقته
تخيلوا انى مدينة ليه بدين كبير جدا ومش حنساه طول عمرى
طبعا مش حاتكلم عن الدين ده الوقتى لكن اكيد حنتكلم عنه بعدين
الامير هيما يا جماعه مختلف تمام الاختلاف عن ميدو عفوا يا امير ميدو طبعا المقامات محفوظه
ياترى ايه وجه الاختلاف بين الامير هيما والامير ميدو
الامير هيما بيضحك على طول فى وجه اى حد يبص له
حاتجنن بجد ونفسى اعرف بيضحك على ايه ده
بيضحك من غير سبب عمال على بطال
ومتعلق بمامته جدا عكس الامير محمود حيث كان لا يبالى غيابها عنه
وكان بيتناساها تماما فى حالة غيابها بس لما بترجع بيعرف ياخد حقه منها بينه وبينها
وكفاية كده النهارده وبكرة نكمل اخر اخبار الامير ميدو والامير هيما